推荐预测：神奈川打吡水手大战前锋

神奈川打吡水手大战前锋

今日日职激战连场，当中横滨水手主场同川崎前锋合演「神奈川打吡」。上季盟主水手近期表现重回正轨，面对联赛1哥兼火力最强嘅前锋，中位数2.5球入球大係不二之选。

横滨水手上次主场靠祖利亚山度士梅开二度，以4比1轻取北海道札幌冈萨多，近4场联赛获3胜1和，呢位今季先加盟嘅巴西射手着晒火，近4仗联赛入5粒，同拍档马高斯祖利亚火力全开，而且佢哋落后川崎14分之多，今场赢唔到衞冕机会等于零，所以唔攻唔得。

川崎前锋联赛14战入41球，上仗联赛喺攻击核心中村宪刚、斋藤学复出兼入波下，5比0大炒清水心跳，加上水手近4仗联赛全开4球或以上，今场大盘值博。

札幌恃地利食住三箭

至于免费早场北海道札幌冈萨多主场斗广岛三箭，两队近况都唔太掂，但冈萨多喺福地厚别公园竞技场出击，三箭难望偷鸡，宁捧受让嘅札幌让球主胜。