推荐预测：胜利船三神细不两立

日联盃开打，今日上演2场分组赛，B组大分三神主场对神户胜利船。神户胜利船旧年兼顾亚冠，最终国内赛事表现失色，今季会全力喺国内争标，日联盃係目标之一，不过佢哋作客大分三神往绩一般，近9次只赢过1次，相信会踢得审慎，宁捧2.5球入球细。

两军未上力先求稳

两军开咧战都有分落袋，大分三神开锣战喺上半场失1球情况下，最终逼和升班球队德岛漩涡，新签嘅前锋渡边新太射入加盟后嘅第1球，至于神户胜利船上场主场斗大坂飞脚全场捱打下，79分钟凭古桥亨梧一箭定江山赢波，不过，睇得出两队都仲未上力。

胜利船拥有星级战将恩尼斯达、华美伦及戴恩费斯杜格拉斯，但「小白」上仗冇入大名单，戴恩费斯杜格拉斯则只係后备上阵，球队似乎仲未完全为球季准备好，虽然佢哋今季唔使分心亚冠盃，可以专心国内联赛同盃赛，但今场不宜睇得太高，因为佢哋近9次作客大分三神只赢过1次，预料会做好防守先，玩2.5球入球细好过客胜。