摘要：E组另一场仗拿玻里主场对亨克。拿玻里最近9场未赢过，由于今场唔输就肯定出线肯定更保守，佢哋近5场欧联4度开半场和，面对冇嘢好争嘅亨克，半场和值得再追。拿玻里以9分排第2，落后利物浦1分，领先第3位嘅萨...
E组另一场仗拿玻里主场对亨克。拿玻里最近9场未赢过，由于今场唔输就肯定出线肯定更保守，佢哋近5场欧联4度开半场和，面对冇嘢好争嘅亨克，半场和值得再追。
拿玻里以9分排第2，落后利物浦1分，领先第3位嘅萨尔斯堡2分，由于后两者要正面交锋，必有1队失分，如拿玻里今轮打和，萨尔斯堡击败利物浦，出现3队同得10分嘅局面，拿玻里亦可凭较佳对赛成绩（对利物浦及萨尔斯堡均获1胜1和），甚至取得首名出线，因此今轮大前提係保持不败。
不过，拿玻里早前发生兵变，众将不满班主迪罗伦迪斯的「加操令」，无疑影响士气，联赛连盃赛在内，近9场只得7和2负，确实状态欠佳，好彩拿玻里主帅安察洛堤係老江湖，曾带领AC米兰及皇马欧联封王，知道咩嘢时候做咩事，既然唔输都晋级，一定稳阵行先。
亨克已出局无心恋战
睇番拿玻里近5场欧联4场开半场和，就知肥安求稳风格，况且包尾嘅亨克5战只得1分，不但提早出局，连「降格」踢欧霸嘅资格都冇，冇乜斗志可言，拿玻里可睇定先食，半场和有3.25倍好分头值博。
