专家拆局：拉素祖记入局慢吼半和

周日凌晨意甲前列对决，拉素主场挑战衞冕嘅祖云达斯。意甲班霸祖记今季进攻表现明显失色，尤其联赛开局慢热，呢场面对气势正盛嘅拉素更加不敢轻易冒进，料两军比赛早段会斗到难分难解，半场和值博。

今季意甲冠军争持激烈，祖记上轮仅以2比2赛和萨斯索罗后，已将榜首席位拱手让畀国际米兰。祖记今季进攻较以往失色，联赛迄今仅射入25球，係前6列强中锋力最差嘅球队，实在令人始料不及。同时，祖记入局极慢嘅情况仍未见有改善，近8场联赛全部半场都同对手打和，呢场作客，想佔先机嘅难度就更大。

对家拉素近期表现渐入佳境，联赛取得6连胜，不过拉素近6仗对手嘅实力，都好难同国米、祖记相比，呢场迎来近期最大考验，预计会先求稳守再谋后动。翻查往绩，祖记近3次联赛造访拉素半场都打和，呢次两军更小心翼翼，半场仲难分胜负，一于吼半场和。