摘要：王者战唔输４球就掂日职周六煞科，联赛榜「1哥」横滨水手与排第2嘅ＦＣ东京上演冠军对决。主场出击嘅水手只要唔淨输多过3球便可封王，定必先稳守再谋后动；ＦＣ东京连续2场联赛失分，显示出埋门把握力欠佳，双方...
王者战唔输４球就掂
日职周六煞科，联赛榜「1哥」横滨水手与排第2嘅ＦＣ东京上演冠军对决。主场出击嘅水手只要唔淨输多过3球便可封王，定必先稳守再谋后动；ＦＣ东京连续2场联赛失分，显示出埋门把握力欠佳，双方近5次联赛喺日产球场交锋，全部一球定胜负，总入球全开2球或以下，建议向中位数2.5球入球细埋手。
东京锋力大跌Watt
水手现以3分领先东京，得失球差有7球优势，今场保持不败固然笃定捧盃，就算水手输波，只要唔输多过3球，水手亦可凭较佳得失球差压过ＦＣ东京称霸。水手今季联赛8次输波从未试过淨输4球或以上，不过佢哋今季首循环作客输过2比4，为免晚节不保，相信水手会加强防守。再者，水手中场扇原贵宏黄牌够数坐波监，今季射入14球嘅巴西锋将马高斯祖利亚，上仗斗川崎又撼伤头部，已经冇操3日，出唔出得都恶讲，水手更加唔会冒险轻出。
ＦＣ东京今季有超过一半时间喺联赛榜带头，可惜踏入季尾状态下滑，近8场联赛只获3胜3和2负，仅入9球，埋门把握力明显不足。更加雪上加霜嘅係，佢哋一对箭头永井谦佑、迪亚高奥利华拉都有伤在身，前者膊头甩臼刚啱叫做好番，可以扎住踢，后者披甲可能性好低，仲有出击后衞室屋成停赛，想创造奇迹大胜封王难度极高。
今场波65,000张门票已经售罄，肯定创出日职入座纪录，水手唔想令拥趸失望，必然採取稳阵嘅捧盃策略，何况佢哋主场近5次联赛斗东京虽得2胜3负，但係5次总入球全开2球或以下，入球细属不二之选。
