专家拆局：维拉入得失得玩大佢

遇红军二队主W冇味

今晚英格兰联赛盃8强开打，其中英超「1哥」利物浦作客阿士东维拉。红军所有主力都赴卡塔尔出征世冠盃，今仗只派二队出战，难怪维拉主W热到冇肉食，佢哋今届英联盃例必抢攻，转捧3.5球嘅入球大更上算。

利物浦小将肯走肯搏

睇到足智彩个主客和赔率，大家唔好以为自己眼花，维拉主胜竟然只得1.3倍，英超「1哥」利物浦客W竟然有5.65倍。无他嘅，由于喺卡塔尔举行嘅世冠盃，同今仗英联盃嘅赛程重叠，之前已有口痕友讲利物浦会分两队出战。

果然，佢哋日前公布出征世冠盃嘅名单，除咗受伤嘅洛夫云冇份之外，全部主力都齐晒，当然包括「埃及文明」锋线穆罕默德沙拿、罗拔图法明奴及沙迪奥文尼，连日前对屈福特伤出嘅韦拿杜姆都有随队，意味住今仗对维拉，真係全二队阵容，包括哈维艾利洛、薛比云丹贝治及基贺华等新仔，查实佢哋部分都喺今届英联盃出过场，实力同经验梗係差主力几条街，但胜在肯走肯搏，斗心唔使怀疑。

维拉今季表现其实唔错，但经常因防线甩辘搞到喺联赛失分，睇番佢哋今届3场英联盃，合共入咗11粒，包括上圈以2比1淘汰同属英超嘅狼队，不过要留意，佢哋3场都有失波，再次印证呢支中部球队入得又失得，既然主W热到爆，不妨向3.5球嘅入球大埋手。