专家拆局：战术使得锡菲联强势拆纽

周五凌晨英超另一场对决，升班球队锡菲联将会主场斗纽卡素。锡菲联今季将整体压迫战术发挥到极致，搞到唔少对手无所适从，呢场对住状态飘忽嘅积分榜下半版球队纽卡素，锡菲联有望再取佳绩，锡菲联上盘值博。

锡菲联领队韦达继上季带队英冠夺亚军，强势重返英超之后，今季再率领球队喺英超站稳阵脚，近7场联赛保持不败，包括先后击败阿仙奴同般尼两支联赛劲敌，赛前以19分排名积分榜中游位置，表现毫不失礼。虽然冇大牌球星压阵，不过战意旺盛嘅锡菲联靠出色嘅整体压迫战术，成功抑制对手进攻组织效率嘅同时，仲为己方创造唔少前场偷鸡机会，竞争力绝对唔可以睇小。

纽卡素表现劲飘忽

布鲁士带队嘅纽卡素今季发挥极之唔稳定，虽然上演过2比2逼和曼城嘅好戏，但「喜鹊」都曾试过以0比2输畀新升班嘅阿士东维拉，而且纽卡素係典型主强客弱嘅球队，近5仗作客仅得1胜4负，其中有3场都食白果，呢次造访近况不俗嘅锡菲联都难有作为，宁愿捧锡菲联上盘好过。